Ümumtəhsil müəssisələrində psixo-sosial və pedaqoji işin aparılması üzrə təlimlər keçirilib.

Onews.az xəbər verir ki, Azərbaycan-Türkiyə İş Adamları Birliyinin maliyyə, Elm və Təhsil Nazirliyi Uşaqların Müdafiəsi İdarəsinin təşkilati dəstəyi ilə Azərbaycan Respublikası Təhsil Cəmiyyəti İctimai Birliyi tərəfindən təşkil edilən “Ümumi təhsil müəssisələrində psixo-sosial və pedaqoji işin aparılması üzrə mütəxəssislərə uşaqların müdafiəsi sahəsində peşəkar bacarıqların aşılanması” layihəsi müvəffəqiyyətlə həyata keçirilib. Layihənin məqsədi ümumtəhsil müəssisələrində fəaliyyət göstərən sosial pedaqoqlara uşaqların hüquqlarının müdafiəsi üzrə mövcud qanunvericilik barədə biliklərin aşılanması, risk qrupunda olan şagirdlərə sosial-pedaqoji dəstəyin göstərilməsi istiqamətində metodiki yanaşmalar barədə məlumatlılığın artırılması, müvafiq təlimat və metodik tövsiyələrin hazırlanması və onların tətbiq edilməsi mexanizminin öyrədilməsi olub.

Təlimlərə Dağlıq Şirvan, Mil – Muğan, Qazax – Tovuz, Lənkəran – Astara, Şərqi Zəngəzur, Şəki – Zaqatala, Şirvan – Salyan və Qarabağ Regional Təhsil İdarələrinin tabeliyində fəaliyyət göstərən ümumtəhsil müəssisələrində çalışan 400-ə yaxın sosial pedaqoq cəlb edilib. Bununla yanaşı, sosial pedaqoqlara ilkin İKT bacarıqlarının artırılması istiqamətində də təlimlər keçirilib.

Gələcəkdə peşəkarlığın artırılması məqsədi ilə uşaq müadfiəsi sahəsi üzrə digər mövzular üzrə də təlimlərin keçirilməsi nəzərdə tutulub.