O, adını dünya hərb sənayesi tarixinə silah konstruktoru və biznesmen kimi yazdırmağı bacarır.

İlk tək atışlı tüfəngin patenti də ona məxsusdur.

Onews.az xəbər verir ki, söhbət əfsanəvi silah konstruktoru Con Brauninqdən gedir.

Con Brauninq ABŞ-nin Yuta ştatında dünyaya gəlir.
1879-cu ildə Brauninq ilk tək atışlı tüfənginin patentini almağa müvəffəq olur.
Daha sonra bazarda “Winchester” üçün yeni tüfəng modeli icad edir.
Yeni tüfəng modeli onu silah bazarında daha da məşhurlaşdırır.
Üstəlik, külli miqdarda pullar qazandırır.

Brauninq bu uğurdan ilhamlanaraq təzə ov tüfəngləri icad etdiyini açıqlayır.
Yeni model dizaynı və yüngüllüyü ilə diqqət çəkir.
Kağız üzərindəki eskizlər səhmdarları da özünə cəlb edir.
Con 1888-ci ildə daha çox ovçuları maraqlandıran bir ov tüfəngi hazırlayır.
Daha sonra Brauninq diqqətini pulemyotlara yönləndirir.
Bunun üçün o, ABŞ-dan Belçikaya daşınır.

Orada özünə malikanə və laboratoriya inşa etdirir.
Con Brauninq 1915-ci ildə Amerika ordusu üçün “Browning” pulemyotu hazırlayır.
O, öz soyadını verdiyi pulemyot üçün ABŞ hökumətindən 200 min dollar məvacib alır.
Bu pulemyotdan Birinci və İkinci Dünya müharibəsi dövründə istifadə olunur.

Hətta almanlar bu silahı “ölüm maşını” adlandırmağa başlayırlar.
Təkcə Somma cəbhəsində “Browning” pulemyotları yarım milyon alman əsgərinin alnından “öpür”.
Birinci dünya savaşından sonra Brauninq öz pulemyotunun müxtəlif versiyalarını hazırlayır.
Silahların ən ağır və ən yüngül versiyaları sınaqdan keçirilir.
Ən yüngül pulemyotlar piyadaların sərəncamına verilir.

Ağırlığı və dəqiq atıcılıq qabiliyyəti ilə seçilən pulemyoylar isə təyyarələrdə və gəmilərdə istifadə olunur.
Con Brauninq ömrünün son 30 ilində 128-dən çox silah növü hazırlayır.
O, 100-dən çox silahın modifikatoru və icadkarı kimi adını tarixə yazdırır.

Brauninq həm də tapança, tüfəng, nasoslu silah və “yüzlük” pulemyot da hazırlayan biznesmendir.
Ömrünün sonlarında “Colt” firması üçün çoxlu silah eskizləri hazırlayaraq sərvət toplayır.
Brauninq 26 noyabr 1926-cı ildə Belçikanın Oqden bölgəsində həyatla vidalaşır.

Turan