Bura Türkiyənin ilk muzeyi hesab olunur.

Əsası 1846-cı ildə qoyulur.
Muzeyin yaradılması ilə bağlı fərmanı Osmanlı sultanı Abdulməcid verir.
Muzeyin ilk adı “Mecma-ı Âsâr-ı Atika”dır.

Onews.az xəbər verir ki, söhbət İstanbul Arxeologiya Muzeyindən gedir.

Həmin vaxt dövlətə hədiyyə edilən qədim və qiymətli əşyalar “Aya İrini” adlı binada toplanılırdı.
Aya İrini əslində bir yunan kilsəsi idi.
Sonradan incəsənət qalareyası kimi istifadə edilirdi.

Bura bir növ dövlətin ehtiyat xəzinəsi sayılırdı.
Daha sonra dövlətin gücünü göstərmək üçün onların nümayiş etdirilməsi qərara alınır.
Beləliklə, Türkiyə tarixində ilk muzeyin əsası qoyulur.

Muzeyin ilk direktoru maliyyə vəkili Ahmet Fethi Paşa idi.
Daha sonra eksponatların qorunması üçün İtaliyadan Trentzio adlı mütəxəssis gətirilir.
Bir neçə il sonra muzey “Müze-i Hûmayun”, yəni “İmperatorluq muzeyi” adlandırılır.

1875-ci ildə muzey İstanbuldakı Çinili köşkünə daşınır.
Burada muzeyin daş abidələr bölməsi yaradılır.
Beləliklə, İstanbul Arxeologiya muzeyinin əsası qoyulur.

Muzeydə ilk vaxtlar 1000-ə yaxın qiymətli daşlar var idi.
Hazırda onun eksponatlarının sayı 1 milyondan çoxdur.

Turan