"Fənərbaxça"da növbəti baş məşqçi ayrılığı yaşanmaq üzrədir.

Onews.az xəbər verir ki, Joze Mourinyo postunu tərk etməyə yaxındır.

Bu barədə "Guardian" nəşri məlumat yayıb. Bildirilir ki, mütəxəssis artıq gələcək planlarını qurub.

O, "Nyukasl"a rəhbərlik etmək niyyətindədir. Portuqaliyalı komandanın hazırkı baş məşqçisi Eddi Hovun istefasını gözləyir.

Qeyd edək ki, Mourinyo "Fənərbaxça"nın sükanı arxasına bu ilin yayında təyin olunub.