Son həftələr Şəmkirdə tez-tez elektrik enerjisinin verilməsində fasilələr yaranır. Bu, əsasən sahə artezianları üçün ayrılmış elektrik xəttində baş verir.

Bu bardə Onews.az-a Şəmkir sakinləri məlumat veriblər.

Onların sözlərinə görə, elektrik enerjisinin verilməsində yaranan fasilələr fermerlər və sadə kəndlilər üçün böyük problemlər yaradır.

İnsanlar əkin sahələrini vaxtlı-vaxtında suvara bilmədiklərini iddia edirlər. Sakinlərin iddialarına görə, elektrik enerjisinin verilməsində yaranan proseslər yeni ilin ilk günlərindən başlayaraq yaşayış məntəqələrində də müşahidə olunmaqdadır.
Şəmkirli fermerlər bildirirlər ki, aidiyyatı üzrə şikayətlərini müvafiq qurumlara çatdırıblar. Amma aidiyyatı qurumlar söz versələr də yaranmış problemin aradan qaldırılması üçün hər hansı tədbir görməyə tələsmirlər.

Məsələ ilə bağlı qarşı tərəfin də mövqeyini dərc etməyə hazırıq.

Rauf