"İranda keçiriləcək növbəti prezident seçkilərindən sonra da Tehranın Bakıya qarşı münasibətində hər hansı bir dəyişiklik olmayacaq".

Bunu Onews.az-a açıqlamasında Milli Məclisin deputatı, Azərbaycan Demokratik İslahatlar Partiyasının (ADİP) sədri Asim Mollazadə deyib.

Millət vəkili bildirib ki, seçkilərdən sonra da İranın Azərbaycana qarşı münasibətlərində hər hansı bir dəyişiklik olmayacaq:

"Hazırda nə İran hakimiyyətində, nə də onun siyasətində hər hansı bir dəyişiklik yoxdur. Üstəlik, İranın Ermənistanla qardaşlıq əlaqələri də öz yerindədir. Əgər Tehranın əlində belə bir imkan olsa, Azərbaycana qarşı qarşıdurmaya da gedə bilər. Bu baxımdan, düşünürəm ki, İranla Azərbaycan arasındakı mövcud vəziyyət davam edəcək. Amma yeni gərginlik olmayacaq".

Turan