Fransa qoşunlarının qərb sərhədlərimizə yerləşdirilməsi hazırkı İrəvan hakimiyyətinin, eləcə də Ermənistan adlı dövlətin siyasi intiharına gətirib çıxara bilər.

İrəvan Parisin təcavüzkar təşəbbüslərinə birmənalı olaraq yox deməlidir. Əks halda, Paşinyan hökuməti Cənubi Qafqazda əsas söz sahiblərindən olan Kremlin qəzəbinə tuş gələcək.

Fransa qoşunlarının bölgəyə yeridilməsi Makron hakimiyyətinin növbəti işğalçılıq siyasətinin təzahürüdür.

Heç ermənilər də fransızları Cənubi Qafqazda istəmirlər.

Sağlam düşüncəli ermənilər başa düşür ki, fransızların bölgəyə sürüklənməsi sülh yox, savaş gətirəcək.

Kreml Fransa qoşunlarının gəlişinə cavab olaraq Gümrüdəki 102 baza bir gecənin içərisində İrəvandakı hakimiyyəti tarixin tozlu arxivinə göndərə bilər.

Çünki Rusiyada başa düşürlər ki, fransız ordusu bölgəyə "Azərbaycan təhlükəsi" üçün yox, Cənubi Qafqaza yerləşmək üçün gəlir.

Bunun nəticələri isə Rusiya üçün ağır ola bilər. Azərbaycan isə öz sərhədlərində hər hansı bir təxribatçı addımları müşahidə edərsə, Ermənistana bu vaxta qədər görmədiyi sarsıdıcı zərbələr endirəcək.

Müdafiə Nazirliyinin son açıqlaması da məhz buna işarədir.

Fransa Ermənistanı silahlandırmaqla yanlış addım atır.

Paris qısa zamanda öz səhvini anlamalı və radikal addımlarından əl çəkməlidir.

Əks halda, regionda baş verəcək yeni qaynar hadisələrin əsas səbəbkarı məhz Fransa və Emmanuel Makronun yarıtmaz hakimiyyəti olacaq. Bütün məsuliyyət onların üzərinə düşəcək.

Sona Əliyeva
V çağırış Milli Məclisin deputatı