Dünən yazdığım bir yazıdan sonra yenə mətləbdənkənar müzakirələr açılır...

Əvvəla, onu deyim ki, bir yaradıcı şəxsin yazdıqları yalnız sənətin meyarları ilə təhlil olunar... və o meyarlar əsasında dəyərləndirilər, cənablar!.

Vətəni, milləti, xalqı sevməyin yaradıcılıqla nə əlaqəsi?.. Niyə, sən yazılan hər hansısa ədəbi nümunəyə o prizmadan qiymət verməlisən?

Müəllif vətənpərvərdisə demək, yazdıqları şedevrdi? Nə qədər böyük yanlış qənaət!..

... Dünən yazdığım həmin o yazıda illərdir ki, yaradıcılığının real bədii mahiyyəti “vətənpərvərlik pərdəsi”nin arxasında təqdim olunan Bəxtiyar Vahabzadəni misal çəkmişəm.

Bir daha təkrar ediəm, əgər söhbət Bəxtiyar Vahabzadənin yazdıqlarından gedirsə, onun şeirləri kütləvi, bədii tərkibi məhdud, müəllifin ədəbi potensialının darısqallığını ifadə edən, heç bir ciddi mətni əks etdirməyən şeirlərdi...

Sadəcə şair olaraq onun imzasını (Vətən, millət, vətənpərvərlik və.s kimi) sənətə aidiyyatı olmayan amillərlə təhlil edirlər deyə, acı həqiqətlər necə deyərlər, “it-bata” düşür.

...və bir daha təkrar edirəm, vətənpərvərlik yaradıcı potensialın keyfiyyət ölçüsü deyil ki.

Bəxtiyar Vahabzadənin bir dövrlər milli hərakatdakı xidmətlərinin, vətənpərvər olmasının varlığı hələ ciddi mətn yarada bilməsinin təstiqi ola bilməz.

Emil Rasimoğlu
Şair

Onews.az