O, bir zamanların ən məşhur foto-modellərindən sayılırdı.

2013-cü ildə oğurluq etdiyinə görə, dəmir barmaqlıqlar arasına salınır.

Onews.az-ın xəbərinə görə, söhbət Türkiyə gözəli seçilmiş məşhur azərbaycanlı foto-model Qalina Babayevadan gedir.

Qalina vaxtilə podiumların əsas simalarından idi.
1977-ci ildə Bakıda doğulur.
Hələ 16 yaşı olarkən ad günündə ata-anasını yol qəzasında itirir.

Qalina Babayeva ata və anasını öz ad günündə son mənzilə yola salır.
O, 2002-ci ildə Türkiyə keçirilən gözəllik müsabiqəsinin qalibi olur.
Qalina iki dəfə ailə həyatı qurur.

İkinci həyat yoldaşı narkotik aludəçisi olduğundan Qalina da bir müddət sonra narkotik qəbul etməyə başlayır.

Özünün dediyinə görə, o, 3 il narkotik vasitə qəbul edir.
Daha sonralar oğurluqları ilə diqqət mərkəzinə düşür.
2013-cü ildə məhkəmənin qərarı ilə 9 il müddətinə azadlıqdan məhrum edilir.

Həbsxana illərində şeirlər yazır, rəsm əsərləri çəkir.
Keçmiş model artıq bir müddətdir ki, azadlıqdadır.