Bura bütün dünyada gözəl qadınlar şəhəri kimi tanınır.

Qadınların sayı bu şəhərdə kişilərdən bir xeyli çoxdur.
Sarışın, gözəgəlimli qızların vətənidir.
Şəhər gözəl və özünəməxsus gözəlliyi ilə göz oxşayır.

Polyak və rus memarlığı bu şəhərdə qəribə incəliklə çuğlaşır.
İkinci dünya müharibəsinə qədər şəhər Polşanın tərkibində idi.

Onews.az xəbər verir ki, söhbət Ukraynanın incisi sayılan Lvovdan gedir.

Lvov Qalitsiyanın və Qərbi Ukraynanın paytaxtı hesab edilir.
Lvovun sahəsi təxminən 180 km²-dir.
Ölkənin milli-mədəni və elmi-təhsil mərkəzidir.
Həmçinin böyük sənaye mərkəzi və nəqliyyat qovşağıdır.
Lvov 12-ci əsrdə rus çarı Daniel Romanoviç tərəfindən salınır.

Şəhərin tarixinə aid ən geniş yayılmış versiyaya əsasən şəhər öz adını çarın oğlu Levin şərəfinə alır.
İndi şir heykəlləri Lvovun əsas rəmzi sayılır.
Təxminən 1272-ci ildə şəhər Qalisko-Volınski knyazlığının paytaxtı olur.
Orta əsrlər dövründə Lvov əhəmiyyətli ticarət mərkəzi idi.
Lvovu öz mədəni həyatı ilə də məşhurdur.

Şəhərin birinci peşəkar teatrı uzaq 1795-ci ildə açılır.
1842-ci ildə Lvovda Skarbek Teatrının əsası qoyulur.
Hansı ki, o zaman böyüklüyünə görə Avropada üçüncü idi.
1900-cü ildə Lvovun qüruru – Lvov operası, teatr açılır.

İndiyə qədər ölkənin ən gözəl teatrlarından biri olaraq qalır.
Şəhərdə ümumilikdə 7 peşəkar teatr, 6 teatr-studiya və sirk fəaliyyət göstərir.

Şəhərdə müxtəlif tarixi binaların, heykəllərin qarşısında, şəhərin gerbində şir təsvirini görmək olar.
Lakin müharibədən sonra Polşa qərbə “sürüşdürülür”...
Şəhər Ukraynanın tərkibinə daxil edilir.
Necə ki polyaklar almanlardan Vroslavı alıblarsa ukraynalılara da Lvov verilib.

Vroslava köçənlərin də xeyli hissəsi lvovludur.
Vroslavdakı ailələrin xeylisinin kökü Lvova və Litvaya dayanır.
İndi ukraynalılar bir çox imkanlarına görə Polşada işləməyə, oxumağa üstünlük verirlər.

Əsas dayaqları isə "karta polaka"dır.
Polşada uzunmüddətli viza, pulsuz təhsil, iş imkanları verən bu kartı onlar asanlıqla alırlar.
Çünki ya babalarından, ya nənələrindən biri polyak olub, ya da Lvov qədimdə Polşanın ərazisi olduğu üçün onlar polyak vətəndaşı olduğuna dair sənədləri var.

Buna görə polyaklar yarızarafat-yarıciddi deyirlər ki:
SİTAT: “Ukraynalılar Polşaya bu qədər kütləvi şəkildə axın edirlərsə elə Lvovu Polşaya daxil edək, məsələ bitsin...”
Hətta bir çox millətçi polyaklarda belə bir inam var ki, Lvov nə vaxtsa Polşanın olacaq.
Şəhərin arxitekturası Krakovdakına çox oxşardır.

Tarixi məlumatlara görə, hər iki şəhərin memarlığı eyni məktəbin məhsuludur.
Lvovun o qədər də böyük olmayan meydanı və çox sayda qədim kilsələri var.
Əziz Pyotr və Pavel kilsəsi onlardan ən məşhurudur.

Kilsənin əsrarəngiz iç görüntüsü, tavana çəkilmiş, izləyəni sanki həqiqətən cənnətə aparan gözəl rəsmləri var.
Dominikan kilsəsi və monastrı, Əziz Georgi kilsəsi və latın kilsəsi görməli tarixi abidələr siyahısındadır.

Tarixi məlumatlara görə ermənilərin Lvova köçməsi və qrup halında yaşaması 14-cü əsrdən başlayır.
Ona görə şəhərdə onlara aid izlər mövcuddur.
Burada az qala hər şeyin muzeyi var.
Lvovda onlarla muzey küçələrin künc-bucaqlarında boy göstərir.

Aptek muzeyi, pivə, geyim, mühacirət və gedə bilmədiyimiz nə qədər muzey...
Bizdə "köhnədir" deyilib kənara atılan hər şeyi burda toplayıb hər qrupdan bir muzey düzəldiblər.
Muzeylərin arasında ən diqqət çəkəni silah muzeyidir.

Burada ən qədim dövrlərdən günümüzə qədər qırxa yaxın dövlətin silahları sərgilənir.
İran və Hindistan qılınclarından tutmuş Afrika qəbilələrinin mizraqlarına qədər...

Hətta Osmanlı toplarından Avstriya tüfənglərinə qədər hər şeyi burada görə bilərsiniz.
Ən maraqlısı isə az qala bir insan boyda olan qılınclardır.
Əgər kimsə silah həvəskarıdırsa Lvova getdiyi zaman mütləq bu muzeyə baş çəkməlidir.
Ukraynalılar çox da böyük olmayan bir otağa böyük bir tarix sığışdıra bilirlər.

Fuad Süleyman