"Birləşmiş Ştatlarda “Gürcü arzusu” hökumətinin tanınmaması ilə bağlı atacağı hər hansı bir addım Tbilisini daha Kremlin ağuşuna itələyəcək. Burada əsasən Qərbin maraqları zədələnə bilər. Hətta Gürcüstan Abxaziya və Osetiya problemlərinin həlli istiqamətində Rusiya ilə bir qədər də yaxınlaşmağı, münasibətləri istiləşdirməyi düşünür".

Bunu Onews.az-a açıqlamasında V çağırış Milli Məclisin deputatı, siyasi təhlilçi Sona Əliyeva deyib.

Ekspertin fikrincə, Qərb Gürcüstanı itirdiyi halda, qonşu ölkədəki avtomobil bazarını da itirəcək:

"Bu addımlar Gürcüstanı Azərbaycan və Türkiyəyə daha da yaxınlaşdıracaq. Tbilisi öz bazarını Ankara və Bakı üçün açacaq ki, bu da milli maraqlarımız baxımından önəmlidir. Gürcüstana təzyiqlərin artırılması Qərbin Ermənistandakı dayaqlarını da sarsıdacaq. Hətta deyərdim ki, İrəvandakı SOROS-çuların da əl-qolu bir xeyli bağlana bilər. Bayden hakimiyyətindən fərqli olaraq Tramp administrasiyası Güney Qafqazdakı oyunlarını iqtisadi müstəvidə inkişaf etdirməkdə maraqlıdır. Çox güman ki, Donald Tramp da bu gedişatı nəzərdən keçirəcək və qanun layihəsinin qəbul olunmaması üçün müəyyən əngəllər yaradacaq. ABŞ-ın yeni administrasiyası Gürcüstanı birdəfəlik itirmək istəməyəcək. Ona görə də düşünürəm ki, Tramp “ayaqyeri qoymaq” haqqında da düşünür. Əgər Gürcüstanla ABŞ arasındakı siyasi böhran dərinləşərsə, o zaman Bakı ilə Tbilisi arasında siyasi hab da formalaşa bilər. Bu da “3+3” formatının gələcəkdə daha da ümumişləkliyini artıracaq. Hər halda, Bayden hakimiyyətindən sonra Birləşmiş Ştatların yeni administrasiyasını çox çətin “silgi prosesi” gözləyir. Yəni Trampın hakimiyyətinin ilk ili Baydenin xarici siyasətdəki səhvlərini düzəltməklə keçəcək".

Banu