"Ukraynadakı savaş ən azından 2025-ci ilin birinci yarısına qədər davam edəcək. Hətta ABŞ prezidenti Donaıd Tramp da ilk aylarda tərəflər arasında dayanıqlı sülhə nail ola bilməyəcək".

Bunu Onews.az-a açıqlamasında siyasi şərhçi Tural Turan deyib.

Ekspertin sözlərinə görə, buna səbəb hər iki tərəfin kompramisə və qarşılıqlı güzəştlərə hazır olmamasıdır:

"Həm Ukrayna, həm də Rusiya öz milli maraqlarından bir addım da geri çəkilməyəcəyini dilə gətirir. Kiyev üçün milli maraqları müdafiəsiz buraxmaq ölümə bərabərdir. Çünki işğala məruz qalan tərəfdir. Rusiyadakı rejim isə geriçəkilməni "imperiya ruhu"na xəyanət sayır. Trampın əlindəki "yol xəritəsi" isə sadəcə tezislərdən ibarətdir. Müddəaları demək olar ki, yoxdur. Belə olan halda hər iki ölkənin cəmiyyəti ilk olaraq sülhə hazırlanmalıdır ki, bu da ən azından hələ 6-7 ay Rusiya-Ukrayna savaşının davam edəcəyi anlamına gəlir. Əgər Kiyevdə və ya Kremldə bu və ha digər formada siyasi çevriliş baş verməyəcəksə, yaxın aylarda Qara dənizin şimalına barış gəlməyəcək".

Banu Murad