"Hazırda Türk Dövlətləri Təşkilatı qlobal miqyasda öz nüfuzunu artırmaqdadır. Dünyada baş verən sürətli proseslər onu göstərir ki, yaxın gələcəkdə bu təşkilatın sərhədləri daha da böyüyə, üzvlərinin sayı daha da arta bilər".

Bunu Onews.az-a açıqlamasında V çağırış Milli Məclisin deputatı, siyasi şərhçi Sona Əliyeva deyib.

Keçmiş millət vəkilinin sözlərinə görə, TDT iqtisadi və hərbi potensialı olduqca böyükdür və yeni dünya düzənində üçüncü qütb olma yolunda sürətlə irəliləyir:

"İstər iqtisadi, istərsə də hərbi güc baxımından TDT modern dünya siyasi arenasında üçüncü qütb olmaqda iddialıdır. Qurumun tərkibindəki dövlətlərin iqtisadi, siyasi və hərbi potensialı buna imkan verir. Bu istiqamətdə qarşıda duran və ilk növbədə gerçəkləşməsini gözləyən əsas məsələ təşkilatın vahid iqtisadi və valyuta sisteminə keçididir. Bundan sonra böyük güclər TDT ilə hesablaşmağa məcbur qalacaqlar".

Turan