Ukrayna ərazi bütövlüyünün itirilməsi ilə barışa bilməz. Hətta Zelenski hakimiyyəti bununla bağlı hər hansı bir sənədə imza atarsa, o zaman Ukrayna xalqı hazırkı prezidenti başqası ilə əvəzləyəcək. Çünki ox yaydan çıxıb.

Ortada milyondan çox itki və beş milyondan artıq köçkünün acı taleyi var.

Artıq ABŞ da bunun fərqindədir. Düşünürəm ki, Abu-Dabidə hər hansı ərazi güzəşti danışıqlar mövzusu olmayacaq. Əslində Kremldən başqa hər hansı bir tərəfin belə bir istəyi yoxdur. Birləşmiş Ştatlar isə Rusiyaya son şans verəcək. Trampın Qrelandiyanı almaq istəməsi də oraya Rusiyaya qarşı nüvə raketlərini yerləşdirmək cəhdidir.

Əslində Abu-Dabiyə hər üç tərəf çantası dolu gedir. Çox güman ki, danışıqlar gərgin keçəcək və bir neçə saat davam edəcək. Ukrayna Rusiyanı uzunmüddətli atəşkəsə razı salmağa çalışacaq. Rusiya isə Dombası birdəfəlik əlinə keçirmək üçün diplomatik masada açıq təhdid dili ilə danışacaq. ABŞ indi daha çox Ukraynanın yanında görünməyə çalışacaq. Tramp administrasiyası başa düşdü ki, Putinin nazı ilə oynamaq əbəsdir.

Üstəlik, Çin də getdikcə ABŞ üçün ciddi təhlükəyə çevrilir. Bu baxımdan, Vaşinqton məsələni tez bir zamanda yekunlaşdıraraq Rusiya, daha sonra Çinə yönəltməyə çalışır. Əgər bu baş verməsə, ABŞ kəşfiyyatı Rusiyanın daxilində ikinci cəbhəni açmağa və vətəndaş savaşını körükləməyə cəhd göstərəcək.

Fikrimcə, Abu Dabi danışıqlarından sonra Ukrayna cəbhəsində vəziyyət daha da kəskinləşəcək. Müharibə yenidən Rusiyanın içərilərinə doğru dərinləşən xətlə irəkiləyəcək.

ABŞ istehsalı olan silahlarla Ukrayna Rusiyanın strateji neft-qaz anbarlarını hədəfə alacaq. Hətta Kruskun yenidən döyüş meydanına çevrilməsi ehtimalı da az deyil. Bir sözlə, Abu Dabi danışıqları növbəti diplomatik uğursuzluq sindromu kimi hər üç ölkənin siyasi tarixinə düşəcək.

Sona Əliyeva
V çağırış Milli Məclisin deputatı
Onews.az