Bu dəfə yolumuz Skandinaviyaya, buranın ən adlı-sanlı şəhərinədir.
Məkan etibarilə Stokholm dünyanın ən gözəl paytaxtlarından biri kimi qəbul edilir.
İsveçin paytaxtı və ən böyük şəhəridir.

Stokholm Malar gölü və Baltik dənizinin bir qolu olan Duz körfəzinin qovşağında yerləşir.
Şəhər Uppland və Södermanland ana torpaq parçaları ilə yanaşı, 14 adanın üzərindədir.

Skandinaviyanın iqtisadi və mədəni mərkəzi sayılır.
Stokholm həm də zəngin tarixi mirasa sahibdir.
Şəhərin sərhədləri daxilindəki torpaqların 40%-i park və yaşıllıqdan ibarətdir.

Onews.az-ın araşdırmasına görə, buraya “Şimali Venesiya” da deyilir.

Buradakı Kray sarayının 600-dən çox otağı var.
Bu saray Avropanın ən böyük sarayı sayılır.
İsveç kralının rəsmi binasıdır.
Saray 18-ci əsrdə “Üç tac” qalasının yandırıldığı nöqtədə memar Nikodemus Tessin tərəfindən dizayn edilib.
Barokko tərzindədir. Stokholm Kral Sarayı Reyxstaq - parlament binasının qonşusudur.
Görkəmli otaqlar, lüks daxili dizayn və geniş salonlara malik sarayda 3 əsrarəngiz muzey var.



Söhbət “Xəzinə”, “Üç tac” muzeyi və III Qustavın Qədim Əsərlər Muzeyindən gedir.
Stokholm Kral Sarayı muzeylərlə birlikdə hər gün saat 10:00 - 17:00 arasında xalqa açıqdır.
Vasa muzeyi isə Skandinaviyanın ən məşhur və ən çox turist qəbul edən muzeyidir.
Vasa dünyada yeganə qorunmuş 17-ci əsrə aid gəmidir.
Gəminin 95%-dən çoxu orijinaldır.

Yüzlərlə oyma heykəllərlə bəzədilib.
69 metr uzunluğundakı dəniz nəhəngi döyüş məqsədilə inşa edilib.
1628-ci ildə ilk səfərinə çıxıb.
Fırtınaya tab gətirə bilməyib və batıb.
333 il sonra dənizin dibindən çıxarılıb.
Yarım əsrə yaxın üzərində bərpa işləri aparılıb.



Gəminin dirəkləri muzeyin damından çıxarılaraq saxlanılıb.
Bu gün Vasa muzeyi ildə 1 milyondan çox ziyarətçi qəbul edir.
Gəmi ilə bağlı məlumatlar 13 dildə izah olunur.
Kral Dram Teatrı Nybroviken körfəzində, sahildə yerləşir.
Tur çərçivəsində teatrın hər bölməsi ilə yaxından tanış ola bilərsiniz.

Tural Turan