Onu "Antraktidaya açılan darvaza" da adlandırırlar.

Dünyanın ən cənub şəhəri Puerto-Uilyams bu məmləkətin sərhədləri daxilindədir.
Kainatın ən hündür dağ gölü Çunqara da buradadır.

Bu dağ gölü dəniz səviyyəsindən 4570 m hündürlükdədir.
Daimi fəaliyyətdə olan vulkanı Ualyatiri isə 6064 metr hündürlükdən boylanır.

Onews.az söhbət əfsanəvi gözəlliklər məskəni Çilidən gedir.

Ölkə şimalda Peru, şimal şərqdə Boliviya, şərqdə Argentina, cənubda isə Dreyk boğazı ilə həmsərhəddir.
Uzunluğu 4329 km, eni isə 170 km-ə bərabərdir.
Sahəsi 756 min km2-dir.
Paytaxtı Santyaqo şəhəridir.

Buranın iqlimi müxtəlifliyi ilə seçilir.
Dövlətin əhalisi 17 milyon nəfərdir.
Onların 25%-ni avropalılar, 70%-ni metislər, 3-%-ni hindular təşkil edir.
Pul vahidi Çili pesosudur.

Çilinin görməli yerləri sırasında Çunqara və Miskantı gölünü xüsusi vurğulamaq lazımdır.
Parinakota vulkanı, Atakama səhrası isə bütün dünyada məşhurdur.
El-Tatio qeyzeri, Kopakilya, Sapauira arxeoloji abidələri də turistlərin sevimli məkanlarındandır.

Pasxa adası ölkənin sərhədlərindən çox uzaqlarda tanınır
Ada Çilinin ən sirli məkanlarından sayılır.
Ərazisində 3 min nəfər adam yaşayır.

Burada tarixi V-VI əsrlərə aid və üzləri adaya baxan1000-ə yaxın heykəl var.
Sanki onlar əhalini dənizdən gələn təhlükədən qoruyur.
Çəkiləri bir-birindən fərqlidir.
Ən böyüyününkü 90 tona yaxındır.

Planetimizin ən isti nöqtələrindən biri olan Atakama Çilinin simvollarındandır.
Elə olur ki, buraya yüz illərlə bir damla yağış belə düşmür.
Çilidə 160 kaktus, 200-ə yaxın heyvan növünə rast gəlinir.

Tural Turan