“Azad Həmfikirlər” Gənclərin Maarifləndirilməsi İctimai Birliyi Azərbaycan Gənclər Fondunun maliyyə dəstəyilə COP29 “Yaşıl Dünya” Naminə Həmrəylik ili çərçivəsində gənclərin ekoloji maarifləndirməsi” adlı layihəsini Zərdab, Göyçay, Sabirabad rayonlarında həyata keçirmişdir.

Onews.az xəbər verir ki, COP29 “Yaşıl Dünya” Naminə Həmrəylik ili çərçivəsində gənclərin ekoloji maarifləndirməsi” adlı layihə çərçivəsində 3 rayon, Zərdab, Göyçay, Sabirabad rayonlarının hər birində 1 seminar, hər seminarda 25 gənc olmaqla, 75 gəncə ekoloji maarifləndirmə istiqamətində maarifləndirici tədbirlər keçirildi.

Gənclərə təşkilatın və Gənclər Fondunun loqosu həkk olunmuş buklet və dəftərxana ləvazimatı paylandı, sonra iştirakçılar siyahıya alındı. Tədbirin açılışını mövzu ilə bağlı layihə rəhbəri Samirə Mustafayeva, Zərdab peşə Liseyində, Göyçay Gənclər Mərkəzində, Sabirabad rayon Dövlət İdarəetmə və Texnologiya Kollecində təhsil alan gənc və yeniyetmələrə məlumat verdi. Layihənin məqsədi cəmiyyətdə, xüsusilə də yetişməkdə olan yeni nəsil, gənclər arasında həyata keçiriləcək çoxsaylı ekoloji tədbirlər vasitəsilə geniş ekoloji maarifləndirmə işləri aparmaq və yetişməkdə olan yeni nəsildə ekoloji duyarlılığı formalaşdırmaqdan ibarət idi.

Tədbirlərdə Zərdab, Göyçay, Sabirabad rayonlarının məsul şəxsləri də iştirak edirdilər.