Bu sual bəlkə də ilk baxışdan sadə görünür, lakin cavabını bilirik, amma dərk etmirik. Bu hamımızın məsuliyyətidir.

Valideyn uşağın həyatında ilk qoruyucu şəxsdir. Ekran arxasında nə baş verdiyini bilməli, nəzarəti əlində saxlamalı, psixoloji dəstək verməlidir.

Dövlət, yalnız qayda qoymaqla kifayətlənməməli, təhsil siyasətində, məktəb və rəqəmsal infrastrukturda uşaq hüquqlarını qoruyan standartlar yaratmalıdır. Filtrsüz kontent, təhlükəsizsiz internet, AI-nin nəzarətsiz istifadəsi uşağı tək buraxmaq deməkdir.

Cəmiyyət, qonşu, müəllim, media, texnologiya şirkətləri, bunlar uşağın rəqəmsal izinə və təhlükəsizliyinə diqqət göstərməlidir. Biz yalnız birlikdə bu təhlükəni azalda bilərik.

Uşaqlar ekranın kölgəsində böyüməməlidir.
Bu, tək valideynin işi deyil, tək dövlətin işi də deyil.

Bu, hər birimizin vəzifəsidir.

Ekran arxasındakı təhlükə görünməzdir, amma nəticəsi realdır. Biz susduqca, görməzdən gəldikcə uşaqlarımız daha çox risk altındadır. Danışaq, müdaxilə edək və hamılıqla qoruyaq!

Sona Əliyeva
V çağırış Milli Məclisin deputatı
Onews.az