Sovet hakimiyyəti 1990-cı ilin qanlı 20 Yanvar qırğınlarından sonra daha bir amansızlığa imza atmağa hazırlaşırmış.

Amma bu plan bizim kəşfiyyatçıların sayıqlığı nəticəsində baş tutmur.

Bu barədə sirr pərdəsi illər sonra götürülür və Kremlin dəhşətli planı üzə çıxır.

Məxfi əməliyyatın üstü keçmiş DTK əməkdaşının 2000-ci ildə “Bu gün” qəzetinə verdiyi müsahibədə sonra açılır.

Daha doğrusu, o zamankı DTK-nin əməkdaşı, mayor Çingiz Kuliyev (rəsmi ad-soyadı belədir)
Moskvanın tam məxfi planını gün üzünə çıxarır.
Keçmiş DTK əməkdaşı bildirir ki, Bakıdakı qırğınlardan sonra Azərbaycan SSR Dövlət Təhlükəsizlik Komitəsinin əməkdaşları məhv edilməli idi.
Azərbaycan DKT-nin gizli rabitə xidmətinin əməkdaşları 1990-cı il yanvarın 21-də, axşamüstü hər şeyi üzə çıxara bilirlər.

Onlar SSRİ güc strukturlarının Bakıdakı rəhbərlərinin Moskvaya göndərdiyi şifroteleqramı ələ keçirirlər.

Həmin teleqramda bildirilir ki, Moskvadan gətirilmiş xüsusi qrup Azərbaycan DTK-nin Xarici Kəşfiyyat İdarəsinin binasına basqın gerçəkləşdirməlidir.

Daha sonra idarənin bütün əməkdaşları öldürüləcəkmiş...

Ardınca “baş verənlərə görə, bütün məsuliyyət” Azərbaycan Xalq Cəbhəsinin üzərinə atılacaqmış...

Kremldə hazırlanan tam məxfi plana görə, növbəti mərhələdə milli azadlıq hərəkatının liderlərinin fiziki məhvi gerçəkləşəcəkmiş...

Hətta şifroteleqramda əməliyyatın bu hissəsinə hazırlığın başa çatması Mosvkanın diqqətinə çatdırılırdı.

O zaman DKT əməkdaşları Kremlin bu xain planının qarşısını almaq üçün unikal bir yola əl atırlar


Məlumatlar “Azadlıq” radiostansiyasında səsləndirilir.

Çingiz Kuliyevin sözlərinə görə, məlumatları “Azadlıq”a “yuxarıların” DTK-nın Etibar və Çingiz adlı əməkdaşı ötürür.


Çingiz Fərəcov adlı həmin şəxs vaxt itirmədən Dağıstana yola düşür və Kremlin tam məxfi planını “Azadlıq radiostansiyası”na ötürməyi bacarır.

Kremlin əməliyyatçılarının DTK-da qətliama başlayacağı vaxtdan iki-üç saat əvvəl “Azadlıq radiostansiyası” bu barədə məlumatları efirdə səsləndirir.

Kremlin rəhbərliyi çaş-baş düşür.

Moskvanın “tam məxfi” qrifli əməliyyatı başlamadan sona çatır.

Beləliklə, 20 Yanvar hadisələri zamanı casuslarımız daha bir qətliamın baş verməsinin qarşısını alırlar.

Turan
Onews.az