Tbilisi Dövlət Universitetinin qarşısında tələbələr və polis arasında insident yaşanıb.

Onews.az xəbər verir ki, hüquq-mühafizə orqanları tələbələri binaya buraxmayıb.

Polisin TDU tələbələrini binaya buraxmamasından sonra tələbələrlə polis arasında vəziyyət bir neçə dəfə gərginləşib. TDU tələbələrinə dəstək olmaq üçün müxtəlif universitetlərdən tələbələr gəlib.

Daha sonra Respublika meydanından yürüş edən aksiya iştirakçıları da, Tbilisi Dövlət Universitetinin birinci korpusuna gəliblər.

Hazırda ərazidə vəziyyət gərgin olaraq qalmaqdadır, binanın ətrafına çox sayda polis cəlb olunub.