23 dekabr tarixində Gürcüstanın Marneulidəki hərbi hissədə əsgərin ölümü ilə nəticələnən bədbəxt hadisə baş verib.

Onews.az xəbər verir ki, hadisə zamanı Bolnisi bələdiyyəsinin Faxralı kəndindən olan əsgər Ziyəddin Məmmədov həlak olub.

Hadisənin əsgərin silahla ehtiyatsız davranması nəticəsində baş verdiyi bildirilir.

Mövcud məlumata görə, adıçəkilən hərbi qulluqçu üzərində silah növbətçilik həyata keçirib. Silah səsi ilə əlaqədar postda yoxlama aparılıb və Z. Məmmədov ölmüş vəziyyətdə aşkar edilib. İlkin məlumata görə, mərhum çənəsindən güllə yarası alıb və hadisə yerində dünyasını dəyişib.

Mərhum bu gün doğulduğu Faxralı kəndində dəfn olunacaq.

Qeyd edək ki, hadisə ilə bağlı xəbər portalımızın əməkdaşları Müdafiə Nazirliyinin İctimai əlaqələr şöbəsi ilə əlaqə saxlayıb, nazirlikdən bildirilib ki, hal-hazırda əsgərin inthar etməsi və yaxud ölümü ilə bağlı elə bir məlumat daxil olmayıb.

Elgiz