"İran Zəngəzur dəhlizinin açılmasına heç bir halda maneə yarada bilməyəcək. Bu dəhlizin açılmasını tarixi zərurətdir".

Bunu Onews.az-a açıqlamasında V çağırış Milli Məclisin deputatı, politoloq Sona Əliyeva deyib.

Millət vəkili bildirib ki, Tehran indiki halda Bakı ilə xoş davranmağa məhkumdur:

"İran artıq yaxşı başa düşür ki, Qərbin əlində alətə çevrilən Ermənistandan hər an təhlükə gələ bilər. ABŞ və ya Avropa İttifaqının bir ismarışı ilə Ermənistan cənub qonşusu İranla sərhədləri bağlamaq əzmindədir. Üstəlik, İrəvanın Bakının təzyiqləri fonunda Tehrandan üz döndərə biləcəyi ehtimalı böyükdür. Zəngəzur dəhlizinin açılmasını isə təkcə Azərbaycan istəmir. Ortada Ankara, Moskva, Pekin və London amilləri də var. Belə olan halda gec-tez İran bu dəhlizin açılması fonunda öz iqtisadi maraqlarını təmin etməklə kənara çəkiləcək. Hazırda Tehran "tüpürdüyünü yalamamaq" və daha pis duruma düşməmək üçün uyğun zamanı gözləyir. Həmin uyğun məqamı isə elə Tehranın özü yaradacaq. Əks halda həm İran, həm də Ermənistan böyük iqtisadi zərərlərlə üzləşə bilər".

Rauf Süleymanov