Düşünürəm ki, bütün ixtisaslar üzrə dövlətin vəsait ayırması təcrübəsi dünyanın heç bir yerində yoxdur. Fikrimcə, ancaq bəlli sahələrə dövlət vəsait ayırmalıdır. Təbii ki, dövlətin aidiyyatı orqanları öncədən ölçüb-biçirlər ki, hansı ixtisaslara ehtiyac daha çoxdur.

Belə olan təqdirdə ayrılan vəsait daha real nəticə verəcək məqamlara xərclənmiş olur. Əgər tələbə müəyyən ixtisası istəyirsə və ölkədə həmin ixtisasa təlabat yoxdursa, o zaman bu qədər vəsaitin ayrılmasına dövlət niyə ehtiyac duymalıdır?!

Əgər hər ixtisas üzrə dövlət pul ayırırsa, bu büdcəyə də öz təsirini göstərəcək. Üstəlik, həmin şəxslər universiteti bitirdikdən sonra onları işlə təmin etmək lazımdır. Axı, bu da tələb-təklif müstəvisində böhran yarada bilər. Tələb yox, təklif isə çox və ya əksinə...

Dövlətin beyin mərkəzləri bu nüansları nəzərə alır və almalıdır. Amma bir sıra ixtisaslar var ki, günümüzdə onlara tələb və təklif daha çoxdur.

Düşünürəm ki, aidiyyatı qurumlar bu barədə bir qədər də dərindən düşünməli, lazımı ixtisaslar üzrə dövlət hesabına xaricdə təhsil alanların sayı artırılmalıdır.

İndiki məqamda söhbət texniki fənnlər üzrə mütəxəssis hazırlığından gedir. Biz bu sahədə region ölkələrindən hələ də bir addım geridəyik.

Sona Əliyeva
V çağırış Milli Məclisin deputatı[b][/b]