Şagirdfest çərçivəsində həm şagirdlərin, həmdə gənclərin yaradıcılığını və təşəbbüskarlığını önə çıxaran yeni layihə təqdim olunur.

Şagirdfest platformasında həm şagirdlərin, həmdə gənclərin inkişafına, yaradıcılıq potensialının üzə çıxarılmasına və sosial fəallığın artırılmasına xidmət edən yeni bir layihə təqdim olunur. Layihənin əsas məqsədi şagirdlərin və gənclərin öz ideyalarını ifadə etməsinə, bacarıqlarını nümayiş etdirməsinə və cəmiyyətə faydalı təşəbbüslərlə çıxış etməsinə şərait yaratmaqdır.

Layihə çərçivəsində iştirakçılar həm yaradıcı düşüncə, həmdə praktik bacarıqlarını inkişaf etdirmək imkanı əldə edəcək, eyni zamanda real həyatla bağlı mövzular üzərində işləyəcəklər. Bu təşəbbüs şagirdlərin və gənclərin özlərinə inamını artırmaq, onların səsini daha geniş auditoriyaya çatdırmaq baxımından xüsusi əhəmiyyət daşıyır.

Şagirdfest çərçivəsində təqdim olunacaq bu layihə təhsildə innovativ yanaşmaların və yaradıcı ideyaların təşviqinə töhfə verməyi hədəfləyir. Layihə gənclərin gələcəkdə daha aktiv, məsuliyyətli və təşəbbüskar vətəndaşlar kimi formalaşmasına dəstək olmağı qarşısına məqsəd qoyur.

Layihə çərçivəsində iştirakçılar 15dən çox kontent istiqaməti üzrə onlara təqdim olunan mövzular əsasında yaradıcı işlərini video və şəkil formatında hazırlayaraq layihənin rəsmi saytında yerləşdirirlər.

Növbəti mərhələdə seçilmiş iştirakçılar xüsusi məkana dəvət olunaraq öz işlərini təqdim edirlər. Təqdimatlar peşəkar mütəxəssislərdən ibarət jüri tərəfindən qiymətləndirilir və nəticədə 1-ci,2-ci və 3-cü yer qalibləri müəyyən olunur.

Qaliblər sponsorlar tərəfindən mükafatlandırılır, eyni zamanda onların adları layihənin rəsmi saytında qaliblər bölməsində qeyd edilir.

Layihə çərçivəsində bəzi fənnlərin rel həyatla inteqrasiyası istiqamətində tapşırıqlar da yer alır. Bu isə gənclərin nəzəri biliklərini praktik və yaradıcı müstəvidə tətbiq etməsinə imkan yaradır.

Kimyaçı, pedaqoq Gülşən Əliyeva
Layihə rəhbəri
Onews.az