Bu məmləkətin sancağı dünyanın ən qədim bayraqlarındandır.

Ölkədə 16 yaşından kiçik uşaqlara yalnız xüsusi sürücülük vəsiqəsi ilə velosiped sürməyə icazə verilir.
Həmin sürücülük vəsiqələrini əldə etmək üçün imtahandan keçmək lazımdır.
Statistikaya görə, bu ölkədə ən məşhur ad Janisdir.
Bir zamanlar Kurland adlanan bu məmləkətin Afrikada və Karib dənizində öz koloniyaları var idi.

Onews.az xəbər verir ki, söhbət Baltik dənizinin göz bəbəyi sayılan Latviyadan gedir.

Ölkənin rəsmi dini yoxdur.
Əhalisinin ali təhsil səviyyəsinə görə, dünyada ilk sıralardadır.
Əhalinin 99 faizi ağıllı mobil internetlə təmin olunub.

Bu dövlət Şərqi Avropaya deyil, Şimali Avropaya aiddir.
Latviyada rəsmi dil yalnız latış dilidir.
Amma ölkə əhalisinin üçdə birindən çoxu rus dilində danışır.
Latışların demək olar ki, hamısı ingiliscə danışmağı bacarır.

Paytaxt Riqa Baltikyanı bölgənin ən böyük və ən qədim şəhəri sayılır.
Latviya əhalisinin demək olar ki, üçdə biri paytaxt Riqada yaşayır.

Sərxoş vəziyyətdə velosiped sürdüyünə görə qaydanı pozan şəxs 4500 avro cərimələnir.
Cərimədən əlavə, həmin şəxsi bir neçə həftəlik həbs də gözləyir.

Ölkənin milli valyutası latdır.
Dünyanın ən bahalı milli valyutalarından sayılır.
Amma 2004-cü ildən bu yana Latviyada əsas ödəniş vasitəsi avrodur.

Latviya vətəndaşlarının hamısı heç də “bütün vətəndaş hüquqları”na malik deyillər.
Bu kateqoriyadan olan şəxslərə məhdud hüquqlarla “yadplanetlilərin pasportu” verilir.
İctimai nəqliyyat burada heç vaxt gecikmir.
Gecikmə olduğu halda aidiyyatı qurum rəhbərlərini ciddi və ağır cəzalar gözləyir.

Ölkə “RAF” mikroavtobuslarının da vətənidir.
Dünyada ilk yığcam kino kamerası 1937-ci ildə məhz Latviyada icad olunub.
Ali təhsili olmayan Valter Zapp adlı latış bu əsrarəngiz ixtiranın müəllifidir.
Yeri gəlmişkən, məşhur sovet filmləri - “Baharın on yeddi anı” və “Şerlok Holmsun macəraları” Latviyada lentə alınıb.

Buranın havası həmişə təmiz və təravətlidir.
Çünki bu ölkədə ətraf mühit üçün mübarizə ümumvətəndaş missiyasına çevrilib.
Burada ekoloji vəziyyət hətta Finlandiyadan da yaxşıdır.

Daha dəqiq desək, İsveçrədən sonra ikincidir.
Ölkə ərazisinin təxminən yarısı meşələrlə örtülüdür.
Ən əsası, vəhşi təbiətə məxsus heyvanları əhliləşdirmək, ev şəraitində bəsləmək qanunla qadağandır.

Latviya ordusu Avropada ən kiçik ordulardan biridir.
Yalnız 6000-ə yaxın peşəkar əsgər daimi müqavilə əsasında həqiqi hərbi xidmət keçir.

Latviyanın Çesis şəhərində 16-cı əsrin sonlarında fəaliyyətə başlayan dünyanın ən qədim pivə zavodlarından biri fəaliyyət göstərir.
Latviyanın milli daşı kəhrəbadır.
Buraya gələn turistlərin əksəriyyəti kəhrəba ilə suvenirlər alırlar.

Avropanın ən böyük şəlaləsi sayılan Kuldiqa da məhz bu dövlətin sərhədləri daxilindədir.
Onun genişliyi 250 metrdən də bir qədər çoxdur.

Ölkənin zəngin mədəniyyəti öz kürəyini 1500-1700 il əvvəllərə söykəyir.
Latviya folkloruna bir milyona yaxın ənənəvi mahnı daxildir.

Ölkədəki məcburi qaydalardan biri də müstəqillik günü ilə bağlıdır.
Həmin gün hamı dövlət bayrağını evinin və ya həyətinin hər kəsin görə biləcəyi nöqtəsindən asmalıdır.

Tural Turan