"Bütün Qafqazın Şeyxi Hacı Allahşükür Paşazadənin Nobel Sülh mükafatına namizədliyi 2025-ci ildə də irəli sürüləcək".

Bunu Onews.az-a açıqlamasında Beynəlxalq Nobel informasiya mərkəzinin Qafqaz və Orta Asiya ölkələri üzrə səlahiyyətli nümayəndəsi, professor Bəybala Ələsgərov deyib.

Həmçinin Nobel Azərbaycan Komitəsinin prezidenti olan Bəybala Ələsgərovun sözlərinə görə, Bütün Qafqazın Şeyxi Çeçenistanda müharibənin dayandırılmasındakı müstəsna xidmətlərinə görə, bu mükafata layiqdir:

"Şeyx həzrətləri sünni-şiə məsələsində vəhdət namazı anlayışını ortaya gətirərək məzhəb ayrıseçkiliyinin qarşısını alıb. Bu işə böyük töhfə verib. Eyni zamanda, Hacı Allahşükür Paşazadə Aşura günü qançıxarma, zəncirvurma ayinlərinin yerinə qanvermə aksiyası kimi gözəl təşəbbüs irəli sürdü. Özü başda olmaqla hər kəsi Aşura günü qanvermə aksiyalarına səslədi. Bütün bunlar sülhə xidmət edən əməllərdir".

Turan