Gürcüstanda “Azadlıq uğrunda” tələbə hərəkatının lideri, 21 yaşlı Niko Manaqadze Tbilisi Dövlət Universitetinin 1-ci korpusunun qarşısında bir neçə nəfər tərəfindən fiziki təzyiqə məruz qalıb.

Onews.az xəbər verir ki, Niko Manaqadze ona bir neçə nəfərin hücum etdiyini və başına zərbələr endirdiklərini bildirib.

“Tiflis Dövlət Universitetinin birinci korpusunun həyətindən mühazirədən çıxırdım və o vaxt avtobus dayanacağına gələndə arxadan zərbə hiss etdim. Mən özümü müdafiə etməyə çalışdım. Bundan sonra ikinci, üçüncü, daha bir neçə nəfər gəldi, məni mühasirəyə aldılar, neçə nəfər olduğunu heç xatırlamıram. Bu adamların üzünü belə xatırlamıram”, – deyə Niko Manaqadze bildirib.

Məlumata əsasən, Niko Manaqadze bir neçə gün əvvəl Baş nazir İrakli Kobaxidzenin mühazirə oxuduğu TDU-da etiraz aksiyanın təşkilatçısı olub.

Rauf