İyulun 22-də Milli Kitabxanada Azərbaycan Milli Mətbuatının yaranmasının 150 illik yubileyinə həsr olunmuş kitab sərgisi açılıb.

Bu barədə Onews.az-a kitabxanadan məlumat verilib.

Bildirilib ki, tədbirdə çıxış edən Milli Kitabxananın Elmi işlər və kitabxana-informasiya xidməti üzrə direktor müavini Ədibə İsmayılova Azərbaycan mətbuatının keçdiyi tarixi yola nəzər salıb. Diqqətə çatdırıb ki, Milli Kitabxananın arxiv fondunun mühüm bir hissəsini dövri mətbuat nümunələri təşkil edir.

Digər natiqlər də çıxışlarında Həsən bəy Zərdabinin irsindən və müasir dövrdə medianın üzərinə düşən vəzifələrdən bəhs ediblər.

Tədbirdə, həmçinin “Milli Mətbuat Günü” adlı elektron məlumat bazasının təqdimatı keçirilib.

Fuad