Yeni Azərbaycan Partiyası (YAP) Nərimanov Rayon Təşkilatının “Koroğlu Rəhimov küçəsi 13” ünvanı üzrə Ərazi Partiya Təşkilatında partiya üzvləri ilə görüş keçirilib.
Tədbirdə ölkədə həyata keçirilən sosial-iqtisadi islahatlar, Yeni Azərbaycan Partiyasının fəaliyyət istiqamətləri, qarşıda duran vəzifələr və partiya üzvlərinin ictimai-siyasi proseslərdə fəal iştirakı və digər məsələlər müzakirə olunub.
YAP Nərimanov rayon təşkilatının sədr müavini Anar Abbasov, Odlar Yurdu Universitetinin Tədris işləri üzrə prorektoru Qabil Qafarov və digər çıxış edənlər Azərbaycan Respublikasının Prezidenti, Yeni Azərbaycan Partiyasının Sədri cənab İlham Əliyevin rəhbərliyi ilə ölkəmizdə əldə olunan uğurlardan bəhs edərək, partiyanın cəmiyyətin bütün təbəqələrini əhatə edən təşəbbüslərinin əhəmiyyətini vurğulayıblar. Qeyd olunub ki, YAP ölkənin aparıcı siyasi qüvvəsi kimi dövlətçilik ənənələrinin möhkəmləndirilməsi, milli həmrəyliyin gücləndirilməsi və vətəndaşların rifahının yüksəldilməsi istiqamətində mühüm rol oynayır.
Görüş zamanı partiya üzvlərinin təklif və fikirləri dinlənilib, onları maraqlandıran suallar cavablandırılıb. Ərazi Partiya Təşkilatının fəaliyyətinin daha da təkmilləşdirilməsi, üzvlərlə əlaqələrin gücləndirilməsi və qarşıdakı dövrdə həyata keçiriləcək tədbirlər barədə fikir mübadiləsi aparılıb.
Sonra gündəlikdə duran digər məsələ müzakirə olunub. Belə ki, Ərazi Partiya Təşkilatına sədr müavinin seçilməsi ilə əlaqədar namizəd irəli sürülüb və yekdil səslə Məmmədova Ayna Valeh qızı ƏPT-nin sədr müavini seçilib. Yeni seçilən sədr müavini və ƏPT üzvləri Yeni Azərbaycan Partiyasının qarşıya qoyduğu hədəflərin həyata keçirilməsinə bundan sonra da öz töhfələrini verməyə hazır olduqlarını bildiriblər.
Sonda partiyanın ictimai-siyasi həyatında fəallığı ilə seçilən könüllü gənclərə təltiflər təqdim olunub və xatirə şəkli çəkilib.