Boyaqçızadə Asudə
YAP Nərimanov rayon təşkilatının fəalı

Azərbaycan milli ordusunun əsası 1918-ci il iyunun 26-da Azərbaycan Xalq Cümhuriyyətinin qərarı ilə yaradılmış Əlahiddə Azərbaycan Korpusu ilə qoyulmuşdur. Bununla da milli hərbi qüvvələrin formalaşdırılmasına başlanılmış, müasir Azərbaycan Ordusunun təməli atılmışdır. Dövlət müstəqilliyinin bərpasından sonra ordu quruculuğu ölkənin prioritet istiqamətlərindən birinə çevrilmiş, Silahlı Qüvvələrin gücləndirilməsi məqsədilə ardıcıl və məqsədyönlü tədbirlər həyata keçirilmişdir.
Bu gün Müzəffər Azərbaycan Ordusu yüksək peşəkarlığa, müasir silah və texnikaya, güclü maddi-texniki bazaya malik olmaqla regionun ən qüdrətli ordularından biri hesab olunur. Ordumuzun hər bir uğuru xalqımızın milli birliyinin, dövlətimizin siyasi iradəsinin və hərbi qulluqçularımızın Vətənə sonsuz sədaqətinin nəticəsidir.
Azərbaycan ordusunun qüdrətinin və döyüş ruhunun ən parlaq təzahürü 2020-ci ilin payızında yaşanan 44 günlük Vətən müharibəsi oldu. Ali Baş Komandanın rəhbərliyi altında rəşadətli ordumuz otuz ilə yaxın işğal altında qalan torpaqlarımızı azad edərək tarixi ədaləti bərpa etdi. Bu möhtəşəm Zəfər Azərbaycan hərb tarixinin ən şanlı səhifəsi olmaqla yanaşı, ordumuzun müasir döyüş taktikasını və sarsılmaz gücünü bütün dünyaya nümayiş etdirdi.
Azərbaycan əsgəri və zabiti hər zaman Vətənin keşiyində ayıq-sayıq dayanaraq dövlətimizin milli maraqlarını, ərazi bütövlüyünü və təhlükəsizliyini qoruyur. Ordumuzun qazandığı uğurlar onun yüksək döyüş hazırlığının, peşəkarlığının və sarsılmaz ruhunun göstəricisidir. Müzəffər Ordumuzun qəhrəmanlıq salnaməsi
Azərbaycan xalqının qürur mənbəyi olaraq tariximizin şanlı səhifələrində əbədi yaşayacaqdır.