Del Piero mənə bir söz öyrədib, əsas pulu qazanmaq deyil xərcləməkdir. Dostumuzun dediyi kimi…

Del Piero tanrı idi, o, dünya futbolunun əfsanələrindəndir, uşaqlıq kumirimizdir, uşaqların küçədə futbol oynayarkən, hətta məktəbə gedərkən, formasını geyindikləri dahidir, amma bunlar təkcə alicənab xarakteri, xarizması, eleqantığı, əks cinsin nümayəndələrini ovsunlayan cazibəsi hesabına deyildi.

Verilən məlum suala "əsl centlmen xanımını heç vaxt tərk etməz" - deyə bilməsinə görə, bu yaşındaca əfsanə olacağını soyadından belə təxmin etməyin mümkünlüyünə görə deyildi, təkcə...

Del Pieronun bir də dahiyanə futbolu var idi.

O, futbolun özüdür, Alexin "klass"ı, topa hər toxunuşunda sehr olması, zərbə texnikası, driblinq tərzi, cərimə zərbələri, meydanda duruşu, böyük matçlarda ortaya çıxması, əks-hücumda və ya mövqe hücumunda necə oynanılmalı olduğunu bildiyi və s. bəlkə də daha güclü faktorlardır.

Alex bizə futbolu sevdirib, Il Capitano bizə futbolu öyrədib, öz oyun zəkası ilə oyunun hansı anında necə hərəkət etməyin lazım olduğunu göstərib. "Alla Del Piero" (Del Piero Zone) adlı qol var, onu biz Juventino'lar hamıdan yaxşı bilirik. Biz bu futbol tanrısını hamıdan yaxşı tanıyırıq. Çox şanslı nəsilik, çox!!!

Totti onun haqqında deyirdi, mən Roma kralıyamsa, o İtaliya imperatorudur, mən Romayam o İtaliya…
Del piero - bu sevginin adıdır.

İndi də Kenan Yıldızımız var...

Şamil Paşayev