Həə, əziz dostlar... təbii ki, yaşın neçə olmasına baxmayaraq ölümün anidən yaratdığı mənfi aura, ötürdüyü mənfi enerji birmənalı şəkildə danılmazdır. İllah da o ölüm bir yaradıcı şəxsin varlığında, həyatında baş verə. Bu zaman istedad adına təəssüflənməmək ümumiyyətlə mümkünsüzdür... Bu öz yerində!

İNDİSƏ gəlim mətləbə... İlin – günün bu çağında 82 illik bir ömür müddəti HEÇ ŞÜBHƏSİZ Kİ(!), kiçik bir zaman kəsiyi deyil. ANCAQ GƏLİN GÖRƏK, Elçin 82 illik ömür yolunda öz yazıçı missiyasından (müəyyən əsərlər yazmaqdan) əlavə SƏNƏT, SƏNƏTKAR haqqına, dəyərlərinə və bunların fonunda İlahi ədalət prinsipinə... söykənən NƏLƏR edə bildi? Axı, onun bu istiqamətdə NƏLƏRSƏ etmək imkanları, gücü var idi. Axı, o təkcə yazıçı missiyasından çıxış etmirdi, müxtəlif dövrlərdə öncül postlarda təmsil olunmuşdu. AMMA və LAKİN(!) acı gerçəklikdir ki, Elçin tutduğu postlarda bütövlükdə ədalət, sənət, sənətkar dəyərləri naminə NƏLƏRSƏ etmədi(!)... etmək istəmədi(!)... bəlkə də etmək istəmədiyi üçün o kimi postlarda təmsil olundu(!).

MƏSƏLƏN, Elçin iyirmi beş illik yüksək ranqlı vəzifə dönəmində iyirmi beş nəfərin (yazıçının, şairin, jurnalistin, bəstəkarın, rəssamın və.s) yalnız istedada, əməyə rəğmən(!) taleyini düşündümü(?!), haqqını tələb etdimi(?!), qiymətinin verilməsinə can atdımı(?!). Əlbəttə ki, yox! Çünki o özü də pərdəarxası müəyyən “maraqları” düşünən, bütün fəaliyyətini o “maraqların” senzurası, diqtəsi... üzərində quran, sistemləşdirən şəxslərdən idi.

... Şərif Ağayarların yataqxanada Tanrı ilə döyüşə – döyüşə oğul – qız böyütdüyü(!)... Pərviz Cəbrayılların səfalət içində boğulduğu(!)... Əlisa Nicatların ekranlarda acizanə şəkildə peyda olduğu(!), əl açdığı... Aydın Canıyevlərin dəyərsizlik ucbatından ayaqyalın bir ömrün əlində girinc qaldığı(!)... Həsən Kürlərin yoxsulluq intiharından boylandığı(!) bir ÜNVANda, bir DÖVRdə, bir MÜHİTdə... Elçinlər ömrü “ağ dəvənin” üzərində yaşadı(!)... yaşayır(!). Bəs, nəyin bahasına? TƏBİİ Kİ, (həm də!) Allahın, ədalətin... qanı bahasına! Bəli, (həm də!) Allahın, ədalətin qanı bahasına! AZ ÖNCƏ DƏ DEDİM, axı, Elçin özü də pərdəarxası müəyyən “maraqları” düşünən, bütün fəaliyyətini o “maraqların” senzurası, diqtəsi... üzərində quran, sistemləşdirən şəxslərdən idi.

... VƏ SON OLARAQ DEYİM Kİ(!), Elçin öz ölümü ilə bizləri daha çox sarsıda, təsirləndirə bilərdi(!)... sarsıtmalı, təsirləndirməli idi(!)... AMMA və LAKİN(!) bacarmadı(!).

Emil Rasimoğlu
şair-publisist

Onews.az