O, Gürcüstan Milli Azadlıq Hərəkatının aparıcı liderlərindən sayılırdı.

39 yaşında Nobel sülh mükafatına iki əsas namizəddən biri idi.

Modern gürcü poeziyasının əsas novatorlarından və dissidentlərindəndir.

Ölkəsinin ilk prezidenti ilə uşaqlıq dostu olmuşdular.
Bu dostluq onları yaratdıqları gizli təşkilatda birləşdirmişdi.

Hər ikisi Rusiya xüsusi xidmət orqanları tərəfindən qətlə yetirilmişdilər.

Onews.az-ın araşdırmasına görə, söhbət gürcü şair, dissident, Gürcüstanın Milli Qəhrəmanı Merab Kostavadan gedir.

Merab Kostava 26 may 1939-cu ildə, yəni Gürcüstanın Müstəqillik Günündə Tiflisdə doğulur.
15 yaşında qurduğu gizli təşkilata görə SSRİ DTK-sı tərəfindən qandallanır.
18 yaşında Tbilisi üsyanında Gürcüstanın SSRİ-dən ayrılması ideyasını irəli sürmüşdü.

1956-cı ildə Stalinin heykəlinin Tbilisidən sökülməsinə qarşı çıxan tələbə hərəkatının 2 liderindən biri kimi adı “qara siyahı”ya düşür.
Hərəkatın digər lideri isə Gürcüstanın gələcək prezidenti Zviad Qamsaxurdiya idi.

Onlar həm də uşaqlıqdan bir yerdə böyümüşdülər.

1956-cı il üsyanından sonra hər iki gənc uzun müddət psixatriya xəstəxanasında “müalicə alırlar”...
Kostava və Qamsaxurdiaya qarşı irəli sürülən ittihamlara anti-kommunist ədəbiyyatın yayılması və elanlar daxil idi.
Kostava 1962 -ci ildə Tblisi Dövlət Konservatoriyasını bitirir.

15 il Tiflisdəki yerli musiqi məktəblərindən birində müəllim kimi çalışır.
1973 -cü ildə Kostava və Qamsaxurdiya İnsan Hüquqlarının Müdafiəsi Təşəbbüs Qrupunu yaradırlar.
2 il sonra Kostava Beynəlxalq Əfv Təşkilatının üzvü seçilir.

1976-cı ildə isə Merab Kostava Gürcüstan Helsinki Qrupunu təsis edir.

1977-ci ildə Kostava və Qamsaxurdiya kilsə əsərlərinin qarət edilməsinə görə qandallanırlar.

1978 -ci ildə ABŞ Konqresi tərəfindən hər iki dost Nobel Sülh Mükafatına namizəd olur.

Ardınca, sonradan deportasiyasına səbəb olan Ahısqa türklərinin anti-sovet təbliğatı yaymaqda ittiham edilərək həbs edilirlər.
Kostava cəzasını çəkmək üçün Sibirə göndərilir.

Qamsaxurdiya daha yüngül cəza ümidi ilə fikirlərini açıq şəkildə rədd etsə də, Kostava bundan imtina edir.
1987 -ci ilin avqustunda həbsdən azad olunur.

1988-ci ildə Kostava Müqəddəs İliya Salehlər Cəmiyyətini qurur.
1988–1989-cu illərdə Gürcüstan SSR daxilində əksər siyasi aksiyaların təşkilatçılarından və fəal iştirakçılarından biri idi.

9 aprel 1989 -cu ildə Kostava yenidən həbs edilir.
Ancaq 45 gündən sonra sərbəst buraxılır.

13 oktyabr 1989 -cu ildə Merab Kostava Boriti yaxınlığında avtomobil qəzasında şübhəli şəraitdə vəfat edir.
2013 -cü ildə ölümündən sonra Gürcüstanın Milli Qəhrəmanı adına və ordeninə layiq görülür.

Tural Turan