Bura quraq Afrika ölkəsidir və bu məmləkətə çox nadir hallarda yağış yağır.

Ölkəyə tufanla müşayiət olunan dəhşətli leysan gələndə insanlar sevinirlər.
Məmləkətin pul vahidi “pula”dır və “yağış” anlamındadır.
Yəni, yağış bu ölkənin insanları üçün bərəkət, bolluq anlamındadır.
Ərazisinə görə, çox kiçik və yoxsul dövlətdir.

1960-cı illərdə Britaniyadan müstəqillik qazanmazdan əvvəl ölkə “Bechuanaland” kimi tanınırdı.
Küçələri tozlu və olduqca zibillidir.

Onews.az-ın araşdırmasına görə, söhbət Afrikanın gözdən uzaq, könüldən iraq ölkəsi olan Botsvanadan gedir.

Botsvananın böyük hissəsi (torpaq sahəsinin 70%-i) Kalahari səhrasının qumları ilə əhatə olunur.
Bu, Cənubi Afrikanın ən isti bölgələrindən biridir.
Botsvananın dünyaca məşhur Okavanqo çayı quruyur.
Çayın axar hissəsi hazırda planetin ən böyük duzlu bataqlıqlarından biridir.
Okavanqo Deltası Yer kürəsində heyvanların ən çox cəmləşdiyi yerdir.
Hər il bu vahəyə 200 minə yaxın iri məməlilər axın edir.

Botsvana yüksək keyfiyyəti ilə bütün dünyada tanınan almazların çıxarıldığı ölkədir.
Almaz ehtiyatlarına və ixracatına görə, dünyada ilk pillədədir.
2015-ci ildə Botsvanada 1111 karatlıq “Bizim İşıq” almazı kəşf edilir.
Bu, bir əsrdə tapılan ən böyük daş və indiyə qədər çıxarılan ikinci ən böyük almazdır.
Botsvana ərazisinin təxminən 18%-ni qoruqlar və milli parklar tutur.
Onlardan biri olan Çobe Parkıdır.

Bura dünyanın ən böyük fil populyasiyasına ev sahibliyi edir.
Botsvananın paytaxtı Qaboronedir.
Burada birgünlük turist xərci 139 dollardır.
Ölkənin digər bölgələrində isə bu xərc 50 dollardan çox deyil.

Botsvana QİÇS-in yayılmasına görə dünyada ikinci yerdədir.
Tsodilo bölgəsində 10.000 kvadrat kilometr ərazini əhatə edən 4500-dən çox qayaüstü rəsm bu günə qədər salamat qalır.
Ərazidə tapılan arxeoloji tapıntılar insan həyatının 100.000 ili əhatə etdiyini göstərir.
Qumba-qumba Botsvanada ən məşhur musiqi janrıdır.
Bunlar cazla qarışmış yerli tayfaların müasir melodiyalarıdır.

Fuad Süleyman