Xətai rayonu ərazisində, Nəcəfqulu Rəfiyev küçəsində yerləşən "Neptun Market"in satıcıları alış-verişdən sonra alıcılara əlavə dəyər vergisi qəbzlərini qaytarmırlar. Alıcılar tələb etdikdə isə ƏDV qəbzlərini verməmək müxtəlif bəhanələr gətirirlər.

Bu barədə Onews.az-a bir qrup vətəndaş məlumat ötürüb.

İddialara görə, artıq bir aydan çoxdur ki, adıçəkilən marketdə ƏDV qəbzləri alıcılara qaytarılmır.

"Neptun"un satıcıları gah "kart aparatı"nın işləmədiyini, gah da qəbzi çıxarmaq üçün kağızların bitdiyini bəhanə gətirirlər. Bir qrup alıcının iddiası belədir.

Qeyd edək ki, məsələ ilə bağlı qarşı tərəfin mövqeyini də dərc etməyə hazırıq.

Elgiz Məmməd