Bir neçə gündür ki, paytaxtın bir sıra köşklərində aksiz markası olmayan siqaretlərin və tütün məmulatlarının satışı məhdudlaşdırılıb.

Onews.az-ın əldə etdiyi məlumatlara görə, aidiyyatı qurumlar tərəfindən görülən tədbirlər nəticəsində paytaxtın Yasamal, Nizami, Binəqədi və Nəsimi rayonlarında yarımgizli formada aksizsiz siqaretlərin satışı məhdud səviyyəyə endirlib.

Dövriyyədən kənar siqaretlərin digər tütün məmulatlarından fərqinin qiymətdə və keyfiyyətdə daha üstün olduğu bildirilir.

Həmin siqaretləri dövriyyəyə buraxan “işbazlar” haqqında hər hansı tədbirlərin görülüb-görülmədiyi haqqında bilgilər yoxdur.

Alıcılar isə aksiz markası olmayan siqaretlərə təlabatın çoxluğunu yerli tütün məmulatları bazarında qiymətlərin həddən artıq yüksək olması ilə əlaqələndirirlər.

Hətta alıcılar hüquq-mühafizə orqanlarının aksiz markası olmayan siqaretlərin dövriyyədən çıxarılması üçün gücləndirilmiş nəzarət mexanizmi tətbiq etdiyini vurğulayırlar.

Elgiz