Güney azərbaycanlı milli fəal 12 gündür qeyri-müəyyən səbəblərə görə həbsdə saxlanılır.

Bu barədə Onews.az-a Ərdəbildən olan milli fəallar məlumat veriblər.

Məlumata görə, Ərdəbildən olan Yusif Kari 12 gündür ki, "ictimaiyyətdə çaşqınlıq yaratmaq" ittihamı ilə saxlanılaraq Ərdəbil mərkəzi zindanına aparılıb.

Milli fəalın ailəsinə yaxın mənbənin bildirdiyinə görə, Yusif Kari səyyar satıcılıqla məşğul olduğu vaxt hökumət qüvvələri tərəfindən zor tətbiq edilməklə saxlanılıb.

Ərdəbil məhkəməsində “ictimai fikri çaşdırmaq”da ittiham olunan milli fəal 500 milyon tümənlik (20236 manat) girov təyin olunmasına baxmayaraq, hələ də Ərdəbil zindanında qeyri-qanuni olaraq saxlanılır və hakim onun azadlığa buraxılmasına razılıq vermir.

Əli Müslümzadə