Türkiyədə polis bölməsində baş verən dəhşətli cinayətin bəzi təfərrüatları açıqlanıb

Onews.az xəbər verir ki, hadisəni törədən 16 yaşlı hücumçu bir müddət əvvəl cinayət törətdiyinə görə saxlanılıb.

O, İzmir Balçova Salih İşgören Polis Bölməsinə aparılıb və qısa müddət sonra sərbəst buraxılıb.

Bölmədə yeniyetmənin saxlanıldığı müddətdə polislər tərəfindən zorakılığa məruz qaldığı iddia olunub.

Bu səbəbdən oğlan sərbəst buraxıldıqdan sonra qisas almaq məqsədilə yenidən idarəyə gedib.

O, atasının ov tüfəngi ilə polis bölməsinə atəş açıb. İlk güllə qapıda dayanan polis əməkdaşı Həsən Akına dəyib. Silah səslərini eşidən birinci dərəcəli polis rəisi Muhsin Aydemir aşağı enib və bu zaman yeniyetmə tərəfindən öldürülüb.

Hücum zamanı daha bir polis əməkdaşı ağır yaralanıb.

Fuad