O, Türkiyənin ilk xanım hüquqşünasıdır.

Eyni zamanda, türk dünyasının ilk qadın vəkilidir.
Dünyanın ilk qadın hüquqları müdafiəçilərindəndir.

Mustafa Kamal Atatürkün böyük hörmət göstərdiyi gənclərdən idi.
Beynəlxalq Qadın Hüquqşünaslar Cəmiyyətinin ilk prezidenti seçilməyi bacarır.

Onews.az-ın araşdırmasına görə, söhbət Şuşada doğulub, İstanbulda dünyasını dəyişən Sürəyya Ağaoğludan gedir.

O, 1903-cü ildə Azərbaycanın Şuşa şəhərində anadan olur.
Atası tanınmış mütəfəkkir, yazıçı və siyasətçi Əhməd Ağaoğlu, anası isə Sitarə xanımdır.
Beş uşaqlı ailənin böyük uşağıdır.

Sürəyya xanım pedaqoq və deputat Tezər Taşkıranın bacısıdır.
Mühəndis və iş adamı Abdurrahman Ağaoğlu, yazıçı və hüquqşünas Səməd Ağaoğlu ilə həkim Gültəkin Ağaoğlu onun tərbiyəsini alırlar.

Sürəyya xanım bir neçə dəfə atası Əhməd bəy Ağaoğlu ilə birlikdə Mustafa Kamal Atatürklə şəxsən görüşür.
Sürəyya Ağaoğlu İstanbul Universiteti Hüquq Fakültəsini bitirir.

Ömrünün sonuna qədər vəkilliklə məşğul olur.

1950-ci ildə Alman hüquqşünas Verner Taşenbreker ilə ailə qurur.
Lakin bu izdivacdan onların övladı olmur.

O, Azad Fikirləri Yayma Dərnəyi və Türk-Amerikan Universitetlər Dərnəyinin həmtəsisçilərindəndir.
O, 29 dekabr 1989-cu ildə İstanbulda beyninə qan sızması nəticəsində vəfat edir.

2003-cü ildə Sürəyya Ağaoğlunun 100 illik yubileyinə həsr olunmuş gümüş xatirə sikkələri buraxılır.

Tural Turan