Əvvəllər bu məsələ bizdə Nazirlər Kabineti tərəfindən tənzimlənirdi.

Saatlar yay və qış vaxtına keçirildiyi üçün müvafiq olaraq saatlar irəli və ya geri çəkilirdi.

O zaman bu cür problemlər yaranmırdı. Şagirdlər və müəllimlər qış aylarında əziyyət çəkmirdilər. Dərsə hava aydınlaşdıqdan sonra başlanılırdı. Amma indi vəziyyət dəyişib. Artıq bir neçə ildir ki, saatlar irəli-geri çəkilmir.

Ona görə də bu cür problemlər yaranır. Düşünürəm ki, bu cür problemlər çoxluq təşkil edərsə, Təhsil Nazirliyi Milli Məclis və ya Nazirlər Kabineti qarşısında məsələ qaldırmalıdır.

Şagirdlərin və müəllimlərin qış aylarında əziyyət çəkməməsi üçün aidiyyatı qurumlar bir çözüm yolu fikirləşməlidirlər. Hesab edirəm ki, bu halda dərsə başlama saatlarının 60-90 dəqiqə irəli çəkilməsində hər hansı problem olmaz.

Yəqin ki, hələlik bu barədə ictimai müzakirələr çox zəifdir, şikayətçilərin sayı azdır. Ona görə də nazirlik bu haqda baş sındırmağa tələsmir.

Üstəlik, dərs saatlarının gecvə ya tez başlaması ilə bağlı deputatlar da məsələni ictimailəşdirməlidirlər ki, proses diqqət mərkəzində olsun.

Sona Əliyeva
V çağırış Milli Məclisin deputatı

Onews.az