Bu diplomat 41 yaşında general-mayor rütbəsinə yüksəlməyi bacarır.
SSRİ Xarici İşlər Nazirliyinin konsulluq şöbəsinin rəisi vəzifəsinə qədər yüksələ bilir.

Cəmi 45 yaşında Moskva yaxınlığında müəmmalı şəraitdə avtomobil qəzasına düşür.
O, bu qəzadan sağ çıxa bilmir.

Onews.az xəbər verir ki, söhbət SSRİ diplomatı, general-mayor Hüseyn Quliyevdən gedir.

Hüseyn Quliyev 1939-cu ildə Qubadlının Teymur-Müskanlı kəndində doğulur.
Orta məktəbi qızıl medalla bitirir.

Orta məktəbi bitirdikdən sonra Bakıya gəlir.

Azərbaycan Dövlət Universitetinin tarix fakültəsinə qəbul olunmağa çalışır.
Lakin bura qəbul olunmadıqda Ukrayna SSR-nin Lvov şəhərinə gedir.

Hüseyn Quliyev orada Ali Hərbi Məktəbə qəbul olunur.

Həmin təhsil müəssisəsində təhsilini bitirdikdən sonra diplomatiya təhsili alır.

O, uzun müddət SSRİ Xarici İşlər Nazirliyində məsul vəzifələrdə çalışır.
SSRİ-nin İrandakı səfirinin 1-ci müavini təyin edilir.

SSRİ-nin Türkiyə konsulunun köməkçisi vəzifəsinə yüksəldilir.

Hüseyn Quliyev 1970-ci illərin sonu 1980-cı illərin əvvəlləri SSRİ Xarici İşlər Nazirliyinin konsulluq şöbəsinə rəisi vəzifəsinə təyin olunur.

Tezliklə ona göstərdiyi xidmətlərə görə general-mayor rütbəsi verilir.

Lakin bu rütbəni o, uzun müddət gəzdirə bilmir.
Moskva yaxınlığında 1985-ci ildə qəzaya düşərək həlak olur.

Bu vaxta qədər qəzanın müəmmalı səbəbləri açılmayıb.

Rauf